RIB yatanze umuburo ukomeye: Gutanga ikiguzi ku mibonano mpuzabitsina ni icyaha gihanishwa imyaka 5 y'igifungo

 Urwego rw’Ubugenzacyaha mu Rwanda (RIB) rwongeye kwibutsa abanyarwanda ko gutanga ikiguzi cyangwa amafaranga ugamije gukora imibonano mpuzabitsina ari icyaha gihanwa n’amategeko. Aho uwahamijwe n'urukiko iki cyaha ashobora guhanishwa igifungo kigera ku myaka itanu n'ihazabu y'amafaranga y'u Rwanda.

         

​Ibyavuzwe n'Umuvugizi wa RIB

​Ibi bikorwa byagarutsweho ku wa 25 Gicurasi 2026, mu kiganiro cyateguwe na Minisiteri ishinzwe Gukurikiranira hafi uburinganire  n'Iterambere ry’umuryango  (MIGEPROF) ku bufatanye na RIB.

​Umuvugizi wa RIB, Dr. Murangira B. Thierry, yasobanuye ko amategeko ahana umuntu wese utanga amafaranga cyangwa ikiguzi icyo ari cyo cyose agambiriye gukoresha undi imibonano mpuzabitsina.

​Yagize ati: “Kirazira gutanga ikiguzi ku mibonano mpuzabitsina. Ni ukuvuga ngo wowe ujya kugura indaya, ni wowe itegeko rireba.”

​Icyo Itegeko riteganya

​Dushingiye ku Itegeko nimero 51/2018 ryo ku wa 13 Kanama 2018 ryerekeye gukumira, kurwanya no guhana icuruzwa ry’abantu no gushakira inyungu mu bandi, Ingingo ya 24 isobanura neza ibikorwa bibujijwe:

  • ​Kwishyura umuntu hagamijwe gukora imibonano mpuzabitsina.
  • ​Gutanga ikiguzi ugamije gukora imibonano mpuzabitsina cyangwa kugitangira undi muntu ngo ayikore.
  • ​Gushishikariza, koshya, kuyobya, kureshya cyangwa guhatira undi muntu gukora imibonano mpuzabitsina agamije gushakira inyungu mu bandi.
  • ​Gucumbikira umuntu uzi neza ko aje gushakira inyungu mu mibonano mpuzabitsina.
  • ​Gutangaza cyangwa gufasha mu buryo ubwo ari bwo bwose ushaka gukora imibonano mpuzabitsina.
  • ​Gufasha, guhagarikira cyangwa kurengera abuzi neza ko bashakira inyungu mu mibonano mpuzabitsina.
  • ​Kuyobora amazu akorerwamo ibi bikorwa, gushora imari muri ayo mazu cyangwa gucunga umutungo ukomoka kuri yo.
  • ​Gutanga cyangwa gukodesha ahantu hazwi ko hakorerwa ibikorwa byo gushakira inyungu mu mibonano mpuzabitsina y'undi.

​Ibihano bateganyirijwe ababyisukamo

​Umuntu wese uhamijwe n’urukiko gukora kimwe mu bikorwa byavuzwe haruguru, ahanishwa:

  • ​Igifungo: Kitari munsi y’imyaka itatu (3) ariko kitarenze imyaka itanu (5).
  • ​Ihazabu y’amafaranga: Amafaranga y’u Rwanda atari munsi ya miliyoni eshatu (3,000,000 Frw) ariko atarenze miliyoni eshanu (5,000,000 Frw).

Comments

Post a Comment

Popular posts from this blog

Nyamasheke: Yashikuje Ikigorigori Azamukana n’Igisasu cya Gerenade Cyari Kimaze Imyaka mu Butaka

Image
​Umuturage witwa Sindikubwabo Théodore w’imyaka 35 y’amavuko, yaguye mu kantu ubwo yari mu mirimo isanzwe y’ubuhinzi mu murima we uherereye mu Mudugudu wa Kabukunzi, Akagari ka Mariba, mu Murenge wa Nyabitekeri mu Karere ka Nyamasheke . Kuri uyu wa 15 Gicurasi 2026, uyu mugabo yashikuje ikigorigori maze mu mizi yacyo hazamukana igisasu cyo mu bwoko bwa gerenade gishaje.                Uko Byagenze n'Ubushishozi bw'Abaturage ​Amakuru avuga ko byabaye mu ma saa mbiri z'igitondo (8:00 AM) ubwo Théodore yari ari guhirira inka ubwatsi akaza no gushikura icyo kigorigori. Abajijwe uko yabyifashemo, yagize ati: ​ "Nagiteruye numva kiraremereye, ngira amakenga, ntunganya ubutaka nkirambikaho. Mpamagara ushinzwe umutekano muri uyu Mudugudu na we wahiraga ubwatsi hafi yanjye." ​Uwo yahamagaye witwa Karimanzira Fabien , wahoze mu nzego z’umutekano (Local Defence), yahise aza kureba asanga koko ni igisasu. Fabien yahise akumira mugenzi wake kukyegera, ...
Read more

Félicien Kabuga Yaguye mu Buholandi Ari mu Bitaro

Image
  Félicien Kabuga , wari umunyemari ukomeye cyane mu Rwanda akaba yarashinjwaga kugira uruhare rukomeye muri Jenoside yakorewe Abatutsi mu 1994, yitabye Imana aguye i Hague mu Buholandi. Amakuru y'urupfu rwe yemejwe n’itangazo ryasohowe n’Urwego Mpuzamahanga Rwasigariyeho Inkiko Zicungira Ibyaha (IRMCT). ​Itangazo rya IRMCT ryamenyekanye ku wa Mbere rivuga ko Kabuga yaguye mu bitaro i Hague aho yari arwariye. Umuyobozi w’urwo rwego, Umujaji Graciela Gatti Santana, yahise ategeka ko hakorwa iperereza ryega ku miterere n’icyateye urupfu rwe, iryo perereza rikaba ryashinzwe Umujaji Alphons Orie. ​Imyaka yo Kwihishahisha n'Itegebwa ryo gufatwa ​Kabuga yari afungiwe mu Kigo cy’Imiryango Ibuze (UNDU) i Hague kuva mu Ukuboza 2020, nyuma yo gufatirwa mu Bufaransa muri Gicurasi uwo mwaka (2020). Icyo gihe yari amaze imyaka hafi 25 yihishahisha akoresha amanyanga n’izina ry’ibinyoma. ​Inyandiko yo kumuta muri yombi yari yarashyizweho n’Urukiko Mpuzamahanga Mpanabyaha Rwashyiriweho u ...
Read more